Rafport tekur við umboði Loxone á Íslandi

Rafport er orðið umboðsaðili og þjónustuaðili Loxone á Íslandi. Loxone er austurrískt fyrirtæki sem býður heildarlausn í snjallvæðingu heimila og bygginga, þar sem lýsing, skyggingar, hiti og loftræsting, hljóðkerfi, aðgangsstýring og öryggiskerfi vinna saman í einu samhæfðu kerfi.

Með samstarfinu getur Rafport nú boðið íslenskum viðskiptavinum vottaða ráðgjöf, hönnun, uppsetningu og þjónustu á Loxone lausnum, allt frá einstökum heimilum upp í stærri atvinnuhúsnæði.

Tveir starfsmenn í þjálfun í Austurríki

Til að byggja upp djúpa þekkingu á kerfinu sendum við tvo starfsmenn til höfuðstöðva Loxone í Kollerschlag í Austurríki: Arnar sölustjóri og Bragi sóttu þriggja vikna þjálfun hjá Loxone.

Höfuðstöðvar Loxone eru sjálfstæð sýning á tækninni í verki. Byggingin sjálf er alsjálfvirkt snjallhús þar sem allt frá hótelherbergjum upp í fundarrými eru keyrð af Loxone, svo þátttakendur upplifa kerfið í raunverulegu umhverfi á meðan á náminu stendur.

Í þjálfuninni læra þeir að skipuleggja, leggja lagnir, forrita og greina bilanir í Loxone kerfum. Farið er ítarlega í lýsingarstýringu og senur, sjálfvirkar skyggingar, stýringu á loftgæðum og hita, fjölrýma hljóðkerfi, aðgangsstýringu með snertilausum lyklum og dyrasímum, ásamt öryggis- og viðvörunarkerfum. Náminu lauk með vottunarprófi sem staðfestir kunnáttu þeirra sem Loxone samstarfsaðila.

Hvað þýðir þetta fyrir viðskiptavini

Að þjálfun lokinni verður Rafport með vottaða sérfræðinga í Loxone á Íslandi, með aðgang að fullum stuðningi framleiðandans. Það þýðir að viðskiptavinir geta fengið snjallvæðingu heimila og bygginga hannaða, setta upp og þjónustaða af heimafólki, án þess að reiða sig á erlenda aðila.

Við hlökkum til að kynna Loxone lausnirnar betur fyrir íslenskum markaði á næstu vikum og mánuðum.